TALGAT LES - Сүйем десең

Жаңғырықтың сенер ем қулығына,
Сен мені сүйем десең!
Мәңгілікті өрер ем бұрымыңа,
Сен мені сүйем десең!
Көктемнің билер ем күркіріне,
Сен мені сүйем десең!
Бұлттарды ілер ем кірпігіңе,
Сен мені сүйем десең!
Өртеніп көзіңнің қарасынан,
Алаулап, жалын кешем.
Мыңдаған дауыстың арасынан,
Естір ем “жаным!” десең.
Айналар ем маусымның самалына,
Сен мені сүйем десең!
Байланар ем тылсым боп жанарыңа,
Сен мені сүйем десең!
Тұнар ем айнаның сынығына,
Сен мені сүйем десең!
Құлар ем аспанның тұнығына,
Сен мені сүйем десең!